108年 - 臺北市 108 學年度公立國民小學教師聯合甄選初試專門類科知能試題–閩南語科 #76148

科目：教甄◆閩南語科（台語） | 年份：108年 | 選擇題數：35 | 申論題數：0

試卷資訊

所屬科目：教甄◆閩南語科（台語）

選擇題 (35)

16.下面佗一項是臺語通行腔的特色？ (A)有高央元音 (B)入聲無分陰陽 (C)陰上的變調是高升調 (D)聲母有〈入〉母

17.有關臺語「偏漳腔」佮「偏泉腔」的區分，下面佗一个腔口佮另外三个無仝？ (A)uàn-hīn (B)kué-tsí (C)siān-liâng (D)tshue-it

18.就連音變化的結果來講，下面佗一个「仔」字的讀音佮其他三个無仝？ (A)囡仔 (B)金仔 (C)店仔 (D)柑仔

19.請問下面佗一个選項是複合詞？ (A)步步 (B)椅仔 (C)老師 (D)米粉炒臺北市 108 學年度公立國民小學教師聯合甄選初試專門類科知能試題–閩南語科第 2 頁共 3 頁

20.臺灣閩南語會當佇動詞後面附加詞尾「仔」，予伊變做名詞。請問下面佗一个無適用這款造詞法？ (A)開 (B)搦 (C)鑽 (D)鑿

21.關於臺語三疊詞的連音變化，下面佗一種講法較正確？ (A)陰調類的頭一字變調攏仝款 (B)陽調類的頭一字變調攏仝款 (C)陰調類的頭兩字會使合做一个音 (D)陽調類的頭兩字佮普通變調仝款

22.「伊那講，喉那滇。」上蓋有可能的原因是 (A)破病 (B)傷心 (C)歡喜 (D)滿足

23.下面佗一項較無符合臺語口語的講法？ (A)一枝小雨傘 (B)一條手巾仔 (C)予我唚一下 (D)我有一句話

24.下面佗一个「出」字是唸本調？ (A)伊出去看戲矣 (B)伊走出去矣 (C)伊共物件提出去矣 (D)伊欲出去矣

25.請問下面佗一个臺語詞全用本字？ (A)袂收山 (B)見笑代 (C)厚面皮 (D)欲暗仔

26.請問下面這幾个詞的臺羅拼音，佗一个完全正確？ (A)特別 tia̍ t-pia̍ t (B)流傳 liû-tshuân (C)拭面 tshit-bīn (D)借錢 tsiò-tsînn

27.臺語的歌仔冊，一般是用佗一種文體來書寫的？ (A)七字仔 (B)散文 (C)現代詩 (D)古典詩

28.請問下面佗一个選項是疊韻構詞的詞彙？ (A)條直 (B)僥倖 (C)鬼祟 (D)勤儉

29.請問下面佗一个選項是臺語的「是非問句」？ (A)你欲去屏東抑是高雄 (B)你有去過臺北無 (C)伊明仔載會來袂 (D)你欲去臺北是無

30.請問下面佗一種講法無合臺語的語序？ (A)你食會了這碗麵袂 (B)你這碗麵食會了袂 (C)這碗麵你食會了袂 (D)你這碗麵食會了袂

31.傳統有「十五音」的講法，鹿港干焦賰十四音，請問這是啥物原因？ (A)海口腔的韻母減一个 oo (B)海口腔的聲母減一个 j (C)漳州腔的聲母減一个 j (D)漳州腔的韻母減一个 oo

32.若有人將「酸」發音做 suinn，請問伊講的臺語上有可能是啥物所在的腔口？ (A)臺北腔 (B)高雄腔 (C)宜蘭腔 (D)鹿港腔

33.若準後壁有符號「--」，表示後壁讀輕聲。請問下面佗一个選項是臺語錯誤的講法？ (A)拍倒帝國主義 (B)共帝國主義拍--倒 (C)拍--倒帝國主義 (D)帝國主義共拍予倒

34.有關臺語教材的編製，實務上咱愛鼓勵教師自編教材抑是自編補充教材。請問下面佗一个選項毋是鼓勵自編教材的原因？ (A)在地的風土民情、文物、節慶活動會當表現鄉鎮社區的特色 (B)就語言本身來講，會當保存本地的腔口、詞彙 (C)會當予臺語標準語佮拼音讀寫的推行較順利 (D)在地佮外地的比較，會當增加多元語言文化的了解

35.編輯教材的時，若準欲將詞彙按照困難度分級，請問下面佗一个引號內的詞彙應該分佇上困難彼級？ (A)我毋捌看過遐爾「軟心」的人 (B)這粒雞卵的「卵仁」真紅 (C)毋通踮塗跤「躽(nuà)」 (D)伊實在真「軟汫(tsiánn)」，予人講兩句仔就流目屎

36.羅馬字聲調符號的標寫教學，除了符號佮調序的對應，閣愛注意位置。請問下面佗一个是正確的調符標寫位置？ (A)ai 標佇 i 頂面 (B)iu 標佇 u 頂面 (C)io 標佇 i 頂面 (D)oo 標佇第二个 o 頂面

37.請問下面佗一首早期的臺語流行歌因為寫出臺、荷的異國戀情，予人掠準是咧寫 17 世紀荷治時期的代誌？ (A)安平追想曲 (B)南都夜曲 (C)鑼聲若響 (D)舊情綿綿

38.請問下面佗一句毋是氣象諺語？ (A)風颱無回南，十日九日澹 (B)一枝草，一點露 (C)未食五月粽，破裘毋甘放 (D)春天後母面

39.下面佗一个毋是單純詞？ (A)蝨母 (B)虼蚻 (C)蜈蚣 (D)螿蜍

40.閩南語的複合詞有幾若種無仝的構成方式，請問下面佗一个詞的組成方式佮其他的詞較無仝款？ (A)歡喜 (B)搬徙 (C)目鏡 (D)腹肚

41.下面佗一組的漢字的臺羅拼音是完全正確？ (A)熟似 sit-sāi (B)收據 siu-gù (C)前年 tsûn—nî (D)購買 kò-bué

42.請問「地動」這个詞，是佗一種詞組結構？ (A)偏正結構 (B)並列結構 (C)主述結構 (D)動補結構

43.閩南語有足濟字詞攏有毋但一个讀音，一般分做白話音佮文讀音，大部分的語詞攏會固定選用其中一款音讀。請問下面選項中引號內底的字，佗一个是文讀音？ (A)「開」講 (B)「教」示 (C)「弄」獅 (D)「命」運

44.請問下面佗一个選項的漢字是完全使用教育部推薦的閩南語用字？ (A)做儂愛大範，毋通磕袂著就受氣 (B)昨暝歸暗睏袂入眠，今仔日頷頸筋煞絚絚 (C)阿明傷過壓霸，佮伊閣較講嘛無較縒 (D)早時，阮落雨天定定著去抾路螺來飼鴨仔臺北市 108 學年度公立國民小學教師聯合甄選初試專門類科知能試題–閩南語科第 3 頁共 3 頁

45.請問「風颱天的菜價有影貴甲驚死人！」這句，總共有幾字讀本調？ (A)2 (B)3 (C)4 (D)5

46.下底佗一句諺語的意思佮華語的解說無對應？ (A)九月颱，無人知：比喻天有不測風雲，人有旦夕禍福 (B)人無照天理，天無照甲子：比喻人若不按天理行事，大自然必定反撲 (C)心歹無人知，喙歹上厲害：告誡人要謹慎言行 (D)勇勇馬縛佇將軍柱：比喻良馬遇到將才

47.下底佗一句是鼓勵咱做代誌愛有耐心，沓沓仔做就會成功？ (A)毛毛仔雨落久，塗嘛會澹 (B)和尚頭掠蝨母 (C)溜溜瞅瞅，食兩蕊目睭 (D)陰鴆陰鴆，咬人三寸深

48.一年有二十四節氣，下底舉例的四个節氣，佗一組是照時間先後排的？ (A)白露、驚蟄、芒種、穀雨 (B)驚蟄、芒種、白露、穀雨 (C)白露、穀雨、芒種、驚蟄 (D)驚蟄、穀雨、芒種、白露

49.有人揣頭路揣足久矣，猶是揣無，咱愛按怎勸伊較好勢？ (A)甘願做牛，毋驚無犁通拖 (B)目睭看佇粿，跤踏著火 (C)讀冊，讀佇尻脊骿 (D)敢做匏桸，就毋通驚水燙

50.下面佗一組的親情是無仝勻的？ (A)同姒佮大娘姑 (B)阿妗佮姆仔 (C)新婦佮小嬸 (D)後生佮外甥女仔

申論題 (0)