111年 - 111 臺北市市立國民中學正式教師聯合甄選試題：本土語(閩南語)#108169

科目：教甄◆閩南語科（台語） | 年份：111年 | 選擇題數：40 | 申論題數：0

試卷資訊

所屬科目：教甄◆閩南語科（台語）

選擇題 (40)

41. 伊自細漢就和厝裡的人講臺語，這馬講甲足__________的，後來去做臺語配音員，人足愛倩伊的。空格仔內底佗一个選項上適當？ (A)精光 (B)奢颺 (C)端的 (D)撆紮

42. 阮囝佇學校拍籃球無細膩跋倒，__________tauh一下缺一角。少年人愛媠，佇頭前歹看，好佳哉去齒科補好矣，這馬就敢笑矣。空格仔內底佗一个選項上適當？ (A)後齻 (B)屎桮齒 (C)奶齒 (D)角齒

43. 阿母共_____囥佇衫櫥仔內，按呢虼蚻才袂走入去，毋過衫穿佇身軀䆀味䆀味。空格仔內底佗一个選項上適當？ (A)臭礬 (B)臭油 (C)臭腥仔 (D)臭藥丸仔

44. 某的，咱囝的個性誠「十角」，定共你氣惱，嘛誠多謝你費心神咧共斟酌，體諒我較無閒。請問「十角」佮下底佗一个選項上倚意？ (A)雜插 (B)雜唸 (C)散仙 (D)龜毛

45. 恁孫當咧學行路，佇大埕捒彼台有聲的_____，有夠古錐。有練有差，另工就走敢若飛囉！你敢逐會著？請問空格仔內底佗一个選項上適當？ (A)銅管仔車 (B)烏頭仔車 (C)野雞仔車 (D)雞鵤仔車

46. 古早人欲有_____衫通穿，著家己經布來做，費氣閣厚工。空格仔內底佗一个選項無適當？ (A)一領 (B)兩領 (C)一兩領 (D)一領仔

47. 彼張銀票毋但舊舊舊，閣皺襞襞，專_____，敢會使佮你換新的？我的khî-móo-tsih 會較好。空格仔內底佗一个選項上適當？ (A)áu-bân (B)áu-pôo (C)áu-ut (D)áu-hûn

48. 生理人_____較活，若阮作穡人，看天食飯，就較_____。空格仔內底佗一个選項上適當？ (A)喙水；乏 (B)錢水；乏 (C)油湯；渴 (D)油滓；渴

49. 「大神大道，若大道公」、「大道公風，媽祖婆雨」，請問佇臺北市佗一間廟寺服侍的主神是大道公？ (A)指南宮 (B)保安宮 (C)龍山寺 (D)行天宮

50. 下底佗一種樹欉的葉仔佇秋冬的季節會轉紅？看著誠有詩意，閣有誠濟人會起去山頂看。 (A) ka-tang (B) png-á (C) khóo-līng-á (D) tshîng-á/ tsîng-á

51. Khì káng-á-pinn bé「hiān-lâu-á」, m̄-nā tshinn mā ke tsin sio̍ k. 「」的漢字用下底佗一个選項上適當？ (A)獻樓仔 (B)獻漏仔 (C)現撈仔 (D)現流仔

52. 阿芬仔，愛留寡予人探聽咧，緊共房間的彼幾包_______提出來擲，毋通囤咧，才袂規間遐_______，咧欲生蟲矣。空格仔內底佗一个選項上適當？ (A)糞埽；垃圾 (B)垃圾；驚人 (C)糞埽；齷齪 (D)垃圾；囉嗦

53. 伊是出名的________，一寡細間的店，予伊那拐那唬，遐拈遐佔，攏予食食去矣。空格仔內底佗一个選項上適當？ (A)剪綹仔 (B)生理虎 (C)喑噁的 (D)浮浪貢的

54. 下底佗一句的閩南語用字、語詞、語法是正確的？ (A)我日時做工課上無閒，下晡下班才會去賊仔市買菜，遐的物件有影較俗 (B)風颱咧欲來矣，咱兜的冰箱空空空，咱著緊來去款寡菜，才袂無物通食 (C)逐家先品予好，若奕輸毋通起屁面哦 (D)伊這改的表現真漏氣，有夠失體面

55. 因為疫情嚴重，政府規定出門愛掛喙罨。少年家阿俊想講若照規定行，伊的緣投仔面就無人看會著矣，哪會有查某囡仔會來佮伊開講咧？伊不時都共喙罨剝落來提佇手裡，目睭褫甲大大蕊咧相、咧唌查某囡仔。伊無掛喙罨，人驚予伊的瀾鬚噴著，顛倒無人敢倚近伊。欠喙罨的保護，尾仔伊真正予人穢著，有夠害。咱會當用佗一句話形容阿俊的情形？ (A)無補顛倒惱 (B)捾籃仔假燒金 (C)三八假賢慧 (D)大目新娘揣無灶

56. 「食飯若武松拍虎，作穡若桃花過渡。」這句俗諺是咧形容啥？ (A)武松真勇猛 (B)食好做輕可 (C)桃花姊仔會撐渡 (D)勤儉較有底，浪費不成家

57. 類似「食飯若武松拍虎」的語意，食飯若_____，會當添佗一个詞彙？ (A)龜咧peh壁 (B)猛虎落山 (C)魚仔泅水 (D)飛龍在天

58. 類似「作穡若桃花過渡」的語意，作穡若，會當添佗一个詞彙？ (A)龜咧趖 (B)雞筅塗 (C)三戰呂布 (D)蜈蜞咬蛤

59. 若欲予學生囡仔理解「食飯若武松拍虎」，會當解說： (甲)武松拍虎的故事 (乙)食『麥當勞』 (丙)食飯的動作 (丁)食的速度 (A)甲乙丙 (B)甲乙丁 (C)甲丙丁 (D)乙丙丁

60. 若欲予學生囡仔理解「作穡若桃花過渡」，會當解說： (甲)作岫 (乙)南管 (丙)相褒歌 (丁)桃花過渡的故事 (A)甲乙 (B)乙丙 (C)甲丙 (D)丙丁

61. 無錢嘛會當做善事，親像我攏會捐_____做_____，空格仔照順序愛添佗兩个詞？ (甲)義工 (乙)環保 (丙)發票 (丁)血 (A)甲丙 (B)丙丁 (C)丙甲 (D)丁丙

62. 下面佗一項是參加沈浸式教學的本土語教師第一要緊的心態？ (A)予學生加上一節臺語課 (B)訓練學生參加臺語朗讀抑是字音字形比賽 (C)思考按怎將本土語言融入學科課程 (D)邀請臺語專家來演講

63. 佮親近的人手牽手，按呢相攬相唚，煞袂輸是邀請死神來跳最後的thàn-gòo。這段話有可能是咧形容啥物時期的情境？ (A)愛情 (B)人災 (C)戰爭 (D)舞會

64. 用青春佮血汗經過彼場戰爭的臺灣人，干焦_____留予in做為記。空格仔會當添佗幾个詞？

(甲)疏開這个詞 (乙)手指一跤 (丙)空喙的khî (丁)塚仔埔 (A)甲乙丙 (B)乙丙丁 (C)甲丙丁 (D)甲乙丁

65. 下跤遮的臺北市的地號名，佗一个發音佮使用的漢字讀音有對應？ (A)木柵 (B)大龍峒 (C)景美 (D)關渡

66. (A)尪仔面 (B)掰手面 (C)有人面 (D)囡仔面

67. (A)三好一公道 (B)未曾過年先放炮 (C)做官騙厝內，做生理騙熟似 (D)人來才欲掃地，人去才欲煎茶

68. (A)賺錢 (B)趁錢 (C)趁流水 (D)趁私奇

69. (A)有空無榫 (B)有好無䆀 (C)三好加一好 (D)四兩ńg-á無除

70. (A)了 (B)焦 (C)煞 (D)散

71. (A)鬥 (B)囥 (C)櫼 (D)放

72. (A) tíng-pat-kuà (B) tiong-khoo (C) bué-tsui (D) kha-tóo

73. 根據文章，是按怎作者甘願「做衫奴才」？下底佗一个選項上適當？ (A)天氣喝變就變，較艱苦嘛著共衫紮咧 (B)伊的下跤手人無夠頂真，作者甘願家己紮一領衫 (C)衫足貴的，愛拍拚趁錢、粒積才會使買，為衫儉錢，若衫的奴才 (D)天氣變來變去，有使用人共你款衫，才甘願出門

74. 根據文章，是按怎作者食著故鄉的肉粽，隨少年三十幾歲。下底佗一个選項上適當？ (A)故鄉的肉粽有特殊的回春配方 (B)想著三十幾冬前的代誌 (C)有通食，心情足歡喜，規个人攏青春起來 (D)肉粽的料足實在的，袂輸青春時代豐富的人生

75. 根據文章，作者縛的下港粽，無下底佗一个選項的描述？ (A)粽箬愛先洗過 (B)秫米著用油蔥仔酥過炒 (C)毋但用紅蔥仔頭共料芡予芳，閣會濫漢藥房的五香炒甲芳貢貢 (D)那縛粽那煠粽，一鼎愛煠百五分鐘

76. 根據文章，是按怎作者「食著下港粽，才知影阮姊妹仔的感情捾規摠，縛了比粽較絚。」下底佗一个選項有仝款的修辭？ (A)看著日頭，感覺人生充滿溫暖佮希望 (B)看著小妹，才知影伊平安 (C)聽著亂鐘仔咧霆，才智覺已經透早七點矣，我愛去上班矣 (D)看著圓圓的月娘，我雄雄想著今仔日是舊曆十五

77. 根據文章，下底佗一个選項是著的？ (A)查某人想欲離婚，毋過毋甘放翁放囝 (B)查某人無聽婚姻輔導員的建議，佮in翁閣欲生一个 (C)冬半了後，婦人人猶未離婚，嘛是因為囡仔 (D)婚姻輔導員予婦人人的建議是有效的

78. 根據文章，婦人人佮翁婿這馬若規家伙仔做伙去動物園耍，欲買門票，大人票一張60箍，囡仔票是大人票的半價，請問攏總愛納幾箍銀？ (A)330 (B)390 (C)450 (D)660

79. 根據文章，婦人人無法度離婚的原因是啥？下底佗一个選項上適當？ (A)囡仔傷濟無法度飼 (B)想欲閣拚一冬看會用得挽回袂 (C)袂當分著囡仔 (D)囡仔分袂拄好

80. 若欲予這篇文章一个標題，下底佗一个選項上適當？ (A)生雙生仔的方法 (B)老人食紅蟳 (C)婚姻輔導記 (D)婦人人的兩難

申論題 (0)