112年 - 112 臺北市市立國民中學正式教師聯合甄選:本土語-閩南語#114641

科目：教甄◆閩南語科（台語） | 年份：112年 | 選擇題數：40 | 申論題數：0

試卷資訊

所屬科目：教甄◆閩南語科（台語）

選擇題 (40)

41. 臺語有一字多音的現象，一字毋但有兩个音，甚至有五、六个音。請問下底佗一个字有上濟語音？ (A)三 (B)合 (C)相 (D)老

42. 臺北的臺語腔口大部份是偏泉腔，請問下底佗一个詞的語音較成臺北社子（社仔 Siā-á）在地八十歲老大人的語音？ (A)食飯 Tsia̍ h-puīnn (B)翕相 Hip-siàng (C)豬肉 Tu-bah (D)冰箱 Ping-sionn

43. 臺語的第八聲本調有幾若種調值，下底佗一種毋是學術上有記錄的調值？ (A)33 (B)34 (C)55 (D)11

44. 臺語讀漢文的時愛用文言音，文言音層次的韻母系統有伊的特色，請用語言學的智識做判斷，選出應該是文言音結構的音字？ (A)惜 sioh (B)庭 tiânn (C)園 hn̂g (D)貼 thiap

45. 下底臺語「正反問句」的例句，佗一句無正確？ (A)你昨昏有來學校無？ (B)你欲食毋？ (C)你敢有看著老師毋？ (D)這改買的王梨會甜袂？

46. 臺語一字佇語句內可能有三个調——本調、變調佮弱讀（輕聲調），請判斷「阿華有共錢交出來無」這句話的本調、變調、弱讀形式。 (A)變變變變本本變變本 (B)變本變變本變本弱弱 (C)變本變變變變本弱弱 (D)變本變變本本弱弱弱

47. 下面的語詞內底，佗一句的意思無仝？ (A)致身命 (B) 勢命 (C)拖身命 (D)帶身命

48. 臺語形容詞表達程度上高級的三字疊詞，有時會將第一个字讀第九聲，以下的例詞佗一个毋是這款的聲調變化？ (A)牢牢牢 (B)崎崎崎 (C)活活活 (D)臭臭臭

49. 針對諺語的解說，佗一个選項是正確的？ (A)「死窟仔水，捷戽也會焦」：祖先若無留財產，囝孫生活就較無希望 (B)「師傅忌漏，醫生忌嗽」：形容專業人士閣較專業，嘛是有限制 (C)「刣牛也這身，拜佛也這身」：咧講人生活勤儉袂浪費 (D)「家己揹黃金，共別人看風水」：形容人的無私奉獻精神

50. 下底的語詞攏有唸做「khau」的字，佗一个詞的用字無正確？ (A)倒剾 (B)剾草 (C)敲鐘 (D)抽鬮

51. 以下佗一組字內底攏是收「-m」韻尾的字？ (A)暗鹽層 (B)含崁斬 (C)潭壇談 (D)飲應妗

52. 佗一个字毋是臺語韻書語音系統內底「青更類」的字？（「青更類」的字佇泉州腔是唸做inn韻，漳州腔唸做enn韻。） (A)星 (B)井 (C)鮮 (D)病

53. 下底佗一本毋是通行的閩南語韻書？ (A)《彙音妙悟》 (B)《渡江書十五音》 (C)《彙集雅俗通十五音》 (D)《戚林八音》

54. 下底漳、泉腔音字的配合，佗一个是毋著的？ (A)「相片」（泉）siòng-phìnn / （漳）siàng-phìnn (B)「樹根」（泉）tshiū-kin / （漳）tshiū-kun (C)「釣魚」（泉）tiò-hû / （漳）tiò-hî (D)「小妹」（泉）sió-bē /（漳）sió-muē

55. 下底幾个臺北地域相關的臺語讀音，佗一个無正確？ (A)木柵Ba̍ k-sa (B)圓山Înn-suann-á (C)梘尾Kíng-bé (D)辛亥Sin-hài

56. 下底語音接近的字，佗一个字的語音無正確？ (A)「晟」tshiânn、「成」tsiânn (B)「倩」tshiànn、「請」tshiánn (C)「攑」giah、「夯」giâ (D)「夾」ngeh、「挾」nge̍ h

57. 根據臺語弱讀的現象，下底佗一个選項的輕聲符無正確？ (A)大後日tuā-āu--jı̍t (B)予你氣死hōo lí khì--sí (C)卯死矣báu--sí--ah (D)紲落去suà-lo̍ h--khì

58. 下底佗一个選項的語詞用字無正確？ (A)濫糝來 (B)擲挕捒 (C)菜瓜箠 (D)儉私奇

59. 比較下面的諺語，佗一句的意思無仝？ (A)碎食，袂飽。碎做，無工 (B)食，食人半。做，做半人 (C)食飯大碗公，做工課閃西風 (D)食若拚，做若倩

60. 下面臺語的親屬稱謂，佗一个描述是毋著的？ (A)「仝爸各母」是形容兄弟姊妹是同父異母的關係 (B)「弟婦仔」是稱呼小弟的某 (C)「契兄」是咧講契認關係中比家己年歲較大的查埔的 (D)「頂勻」是長輩的意思

61. 頂面的內容是「漢羅合用」書寫體例，以下選項針對「漢羅合用」的說明，佗一个是毋著的？ (A)漢羅合用是外國傳教士為著臺灣設計的臺語文書寫方式 (B)日本東京大學的王育德博士是漢羅合用書寫的推捒者 (C)使用漢羅合用書寫，羅馬字會使直接表現腔口差，這點比全漢字書寫較好 (D)羅馬字主要是用佇一寡仔固定的字，比論講作者同意的臺語漢字to̍ h寫漢字，無同意漢字to̍ h寫羅馬字

62. 根據頂面的內容改寫做教育部規範的臺語漢字，以下的選項佗一个是正確的？ (A)原文「俊榮ná pe飯ná kā阿嬌講」，全漢寫做「俊榮若扒飯若共阿嬌講」 (B)原文「阿母e-hng暗坐6點半hit tsuā」，全漢寫做「阿母盈暗坐6點半彼逝」 (C)原文「你去車頭tsih--伊」，全漢寫做「你去車頭接--伊」 (D)原文「揹十thóng斤ê行李，真正ē khoo雞bē pûn火」，全漢寫做「揹十桶斤的行李，真正會箍雞袂歕火」

63. 引文的「你」是啥物款人？ (A)小姐 (B)查埔人 (C)婦人人 (D)阿婆仔

64. 引文的「我」是啥物款個性？ (A)真好性地 (B)真閉思 (C)真古意 (D)真活動

65. 引文的「我」可能是做啥物頭路的？ (A)搬戲的 (B)種菜的 (C)做護士的 (D)看風水的

66. 引文描寫大臺北的啥物所在？(甲)金山 (乙)雙連 (丙)向天池 (丁)士林 (A)甲乙 (B)乙丁 (C)甲丁 (D)乙丙

67. 引文的「kuà-tiàu」是啥物意思？ (A)歌調 (B)割掉 (C)想念 (D)悼念

68. 這款創作的形式欲按怎稱呼？(甲)閒仔歌 (乙)流行歌 (丙)雜唸仔 (丁)相褒歌 (A)甲乙 (B)乙丁 (C)甲丁 (D)乙丙

69. 引文的「Lōng-pōng」，是佇臺北市的啥物所在？ (A)士林區 (B)大同區 (C)萬華區 (D)中山區

70. 這篇文章的「迎雲尪」可能是咧隱喻啥物？(甲)愛情的幻影 (乙)迎神 (丙)少女春夢 (丁)迎藝閣 (A)甲乙 (B) 乙丁 (C)丙丁 (D)甲丙

71. 這篇文章的「出半帆」是指啥物？ (A)船帆降一半 (B)布帆降一半 (C)虹 (D)起帆

72. 這篇文章的「pháinn-kiánn」是指啥物？ (A)放蕩 (B)派頭 (C)歹癖 (D)歹性地

73. 這篇文章「Pháinn-kiánn sī ko sing hì-lāng」，下底佗一个描述是著的？ (A)伊心肝內咧煩惱厝內無米的代誌 (B)伊心肝內咧煩惱頭路的代誌 (C)伊心肝內咧煩惱感情的代誌 (D)伊心肝內咧煩惱趁錢的代誌

74. 這篇文章的主角「阮」是幾歲人？ (A)17 (B)18 (C)19 (D)20

75. 這篇文章主角的老爸是啥物款人？ (A)醫生 (B)傳教士 (C)討海人 (D)賣魚的

76. 這篇文章「做為記」是啥物意思？ (A)做記號 (B)做信物 (C)做樣 (D)做見本

77. 這篇文章的主角「阮」，下底佗一个描述是著的？(甲)伊毋知影老父是毋是猶活佇世間 (乙)伊定定食金十字胃腸藥 (丙)in老爸是本地人 (丁)伊是半仿仔 (A)甲乙 (B)乙丁 (C)甲丁 (D)乙丙

78. 這篇文章主角所愛的人，下底佗一个描述是著的？(甲)伊像粉鳥仝款，家己會飛轉來 (乙)伊佮in老爸仝款，攏是離開了後，就無閣再聯絡 (丙)伊是飄撇的迌人 (丁) 伊是行船人 (A)甲乙 (B)乙丁 (C)甲丁 (D)乙丙

79. 根據頂面的內容，以下的選項佗一个是正確的？ (A)東洋kap西洋ê文明，攏是地球人類的文化，其實無差傷濟 (B)作者認同東洋文明是重精神，西洋是較重物質 (C)作者認為東洋ê文明重精神，所以佇戰爭的時本底就較弱勢 (D)作者認為西洋ê精神文明是受東洋影響才有法度發展

80. 根據頂面的內容，以下羅馬字佮漢字的對應，佗一組是正確的？ (A)Gu siūnn lióng-pîng ê bûn-bîng kok ū tı̍k-sik：我想兩邊的文明各有特色 (B)Koh-khah án-tsuánn siūnn：閣較安怎想 (C)lāi-té pí Se-iûnn--ê khah tshut-sik iā sī ū：內底比西洋的較出色抑是有 (D)pí lán khah tshut-tioh:比咱較出擢

申論題 (0)