113年 - 113 學年度臺中市政府教育局受託辦理本市國民小學暨幼兒園教師甄選-閩南語教材教法#120114

科目：教甄◆閩南語科（台語） | 年份：113年 | 選擇題數：50 | 申論題數：0

試卷資訊

所屬科目：教甄◆閩南語科（台語）

選擇題 (50)

1. 「」是台灣史上第一擺出現ê有系統ê文字、mā是第一个羅馬字書寫系統。這ê羅馬字書寫系統是由荷蘭ê傳教士所設計；所描寫ê語言主要是hit當時荷蘭佔領ê大本營ê台南hit 箍圍á ê平埔族Siraya ê語言。請問「」內底添佗一个語詞siōng妥當？ (A)荷蘭文 (B)大員文 (C)新港文 (D)安平文

2. 清國統治台灣ê尾期，Pa Khek-lé（Thomas Barclay）牧師創立「聚珍堂」印刷所，開辦《TÂI-OÂN HÚ-SIÂⁿ KÀU-HŌE-PÒ》koh設立台南神學院，對台語文教育有誠大ê貢獻。請問《TÂI-OÂN HÚ-SIÂⁿ KÀU-HŌE-PÒ》tsit-má ê名稱是？ (A)新樓教會公報 (B)台灣教會公報 (C)人光教會公報 (D)台南教會公報

3. 從佗一學年度開始，咱國家的國中、高中、高職、五專學生，開始有「本土語文／台灣手語」的必選課。 (A)2020 (B)2021 (C)2022 (D)2023

4. 請揀出「」內底漢字的子音仝款的選項： (A)黃「疸」／「囤」貨 (B)「詼」仙／杜「蚓」仔 (C)「觸」犯／「吮」食 (D)天「篷」／「懵」仙

5. 有關台語文融入「健康與體育」領域教學，請揀出台語文有毋著的選項： (A)玩水／拍滂泅phah-phōng-siû (B)一種立著游泳的姿勢，也就是踩水前進。／徛泅khiā-siû (C)捷式游泳。俗稱自由式游泳，是一種兩手交拍水面的游法。／掠高泅lia̍ h-ko-siû (D)蛙式的游泳姿勢。／四跤仔泅sì-kha-á-siû

6. 選項內底的漢字，佗一个有無用教育部推薦的用字？ (A)這項生理風險真懸，你毋通無斟酌想就潦落去 (B)這款藥仔抹落去，真緊就會退癀矣 (C)我去清田溝，無細膩煞落湳 (D)雄雄落雨閣無位通覕雨，規身軀沃甲澹漉漉

7. 請揀出漢字tsham羅馬字lóng無毋著ê選項： (A)阮阿公是青草仔的博士博。Guán a-kong sī tshenn-tsháu-á ê pho̍ k-sū-pho̍ k. (B)人生憾憾，咱著愛看較開咧。Jîn-sing hàm-hàm, lán tio̍ h-ài khuànn khah khui--leh. (C)會當佮恁做親情，我嘛誠歡喜。Ē-tàng kah lín tsò tshin-tsiânn, guá mā tsiânn huann-hí. (D)阿勇共警察烏洗，叫伊莫開罰單。A-ióng kā kíng-tshat oo-se, kiò i mài khui hua̍ t-tuann.

8. 有關台語數量詞，佗一个選項的用法無毋著，而且漢字採用教育部推薦的用字？ (A)兩仳烏魚子 (B)這輻圖是仿的 (C)一尾魚仔切做兩橛 (D)一耳弓蕉

9. 請揀出台語「共」的用意tsham「共房間摒摒咧」的「共」sio-siâng的選項： (A)共伊鬥做 (B)彼項代誌伊共我講矣 (C)你莫去共伊 (D)共伊放袂記

10. 請揀出上合台語khùi-kháu的話句： (A)家己拍拚較要緊，怨天怨地有路用嗎 (B)伊真歹性地，動不動就欲共人罵 (C)予伊去吧！莫插伊 (D)閣毋走就走袂離囉

11. 請問下底佗一个選項毋是形成性評量？ (A)分組討論的同儕合作 (B)作業抑是學習單成果 (C)上課的師生問答抑是互動 (D)期末的筆試考卷

12. 關係台語的親人稱呼佮華語意思配對，揀出有毋著的選項： (A) āu-tsik／丈夫的弟弟 (B) ē-ûn／後輩、晚輩 (C) bú-kū-kong／奶奶或是外婆的兄弟 (D) sió-tsím／男子稱呼弟弟的妻子或是女子稱呼丈夫弟弟的妻子

13. 下跤佗一个選項「」內底的字ē-sái講做「i」、「u」、「ir」這3款？ (A)鸕「鶿」 (B)「時」陣 (C)樹「薯」 (D)馬「薺」

14. 揀出毋是華語『番茄』的台語講法： (A) kam-á-bı̍t (B) tshàu-khī-á (C) thoo-má-tooh (D) âng-kiô

15. 請揀出「」內底漢字的母音仝款的選項： (A)白「鐵」仔／手「摺」簿仔 (B)惡「霸」／「凹」鼻 (C)花「瓶」／悽「慘」 (D)「燖」鍋／輕「秤」

16. 有關植物台語語詞的kué-seh，揀出有毋著的選項： (A) kàu-tsuí／指果物成熟 (B) kiānn-tsâng／指以棵做單位的樹木、花果、蔬菜等植物長得枝繁葉茂 (C) oo-áu／形容蔬菜色澤鮮豔發亮 (D) làu-ham／竹子或甘蔗等的節距較長

17. Beh用台語來教音樂，關係音樂語詞ê台語講法，揀出漢字kap羅馬字lóng無毋著ê選項： (A)埃絃仔e hiân-á (B)上尺工siāng-tshik-kong (C)烏笛仔oo-ta̍ t-á (D)歕品仔pûn phín-á

18. 有關台語文融入華語文領域教學，請揀出台語文有毋著的選項： (A)你怎麼那麼不識趣，不曉得人家在生氣。／Lí ná ē hiah gām, m̄ tsai-iánn lâng teh siū-khì. (B)大家都不理他，他就沒戲唱了。／Ta̍ k-ke lóng mài tshap--i, i tō piàn-ū-lián. (C)你不要看他瘦小，他瘦雖瘦，還是很有耐力的。／Lí mài khuànn i sán, i sán bóng sán, iáu-koh tsiânn ū khan-bán. (D)你真的很笨。／Lí tsin-tsiànn ū-kàu khong-khám.

19. 有關台語文融入「社會」領域教學，請選出台語漢字kap羅馬字lóng正確的選項： (A)做人愛守本份，才會當佇社會上共人徛起。Tsò-lâng ài siú pún-hūn, tsiah ē-tàng tī siā-huē-siōng kah lâng khiā-khí. (B)啉酒使車會予警察開罰單。Lim tsiú sái-tshia ē hōo kíng-tshat khui hua̍ t-tuann. (C)伊佇彼間銀行有一个口座。I tī hit king în-hâng ū tsı̍t ê kháu-tsō. (D)伊這个人真清廉，袂歪哥。I tsit ê lâng tsin tshing-liâm, bē uai-ko.

20. 有關台語文「聆聽」主題的評量，佗一个選項是第一學習階段等級A的評量標準？ (A)能聽懂稍繁複的言談 (B)能聽懂稍繁複的言談或言外之意 (C)能辨認常用字詞中難度較高的語音 (D)能辨認字詞中難度較高的語音

21. 若是說那家店「真交易」意思是那家店 (A)很好交易 (B)生意很好 (C)很會做生意 (D)容易買到東西

22. 請問下面「著」的用法，佗一个上符合台語的語法？ (A)我騎著Ubike去公園運動 (B)我??著心愛的人去踅街 (C)我欲揹著心愛的吉他去流浪 (D)我無細膩去關著房間的電火

23. 「________，做老師的哪會驚學生問問題咧？」請問空格仔內用佗一句俗語上適當？ (A)若願做牛，免驚無犁通拖 (B)做鬼搶無銀紙 (C)做戲悾，看戲戇 (D)做草笠毋驚日曝，做鱟桸毋驚湯燙

24. 請問下底佗一个選項的語句內底的動物名稱是著的？ (A)豬毋肥，肥去狗 (B)雞仔腸魚仔肚 (C)井底鰻毋知天偌大 (D)鴟鴞掠貓仔囝

25. 「現代囡仔食好做輕可，攏是_________ ，袂堪得操。」請問空格仔內底佗一个選項上適當？ (A)豆菜掰邊仔 (B)豆腐肩鴨母蹄 (C)豆豉酺袂發芽 (D)豆干孝媽祖

26. 請問下底佗一个選項的臺語漢字是著的？ (A)碗小塊，箸大跤 (B)爸母恩情卡大天 (C)愈講愈漏氣 (D)愈補愈大空

27. 下底佗一句俗語的漢字佮臺羅拼音攏是著的？ (A)大人愛趁錢，囡仔愛過年。Tuā-lâng ài tàn-tsîn, gín-á ài kuè-nî. (B)袂食五日節粽，破裘毋甘放。Buē tsia̍ h Gōo-jı̍t-tseh tsàng, phuà hiû m̄-kan pàng. (C)七月半鴨仔，不知死活。Tshit-gue̍ h-puà ah-á, m̄ tsai sí-ua̍ h. (D)冬節烏，較贏豬跤箍。Tang-tseh oo, khah iânn ti-kha-khoo.

28. 若欲共臆謎猜融入閩南語文教學做文學素材，下底佗一句的謎底有「聽電話用會著的人體器官」？ (A)兩支烏矸仔貯烏棗，日時開，暝時鎖 (B)頂石硩下石，會生根袂發葉 (C)一欉樹仔兩片葉，越來越去看袂著 (D)一塊柴箍七个空，予你臆甲到下暗

29. 下底佗一个選項，無包含佇《十二年國民基本教育課程網要》的三大面向？ (A)tsū-tsú hîng-tōng (B)tsiong-sin ha̍ k-sı̍p (C)koo-thong hōo-tōng (D)siā-huē tsham-ú

30. 請問佗一个選項「」內底的動詞用字是毋著的？ (A)伊逐擺佮人袂合，就欲「揤」欲拍，早慢會出代誌 (B)時到你會予伊「揲」甲金鑠鑠 (C)用別人的拳頭拇「舂」石獅 (D)煮油飯愛那熗那「撨」

31. 英語catchup(番茄醬) 的語源是台語的哪一個詞？ (A)雞汁 (B)果汁 (C)柑仔蜜汁 (D)膎汁

32. 我們說一個人花錢大方是指這個人 (A)冇手 (B)??手 (C)有手 (D)大手

33. 華語講『遺腹子』，台語是說 (A)綴轎後 (B)了尾仔 (C)孝尾仔 (D)孝尾囝

34. 台語的詞序如果要把動詞置於最後，可以使用「共」或是「予」，請問「伊共我拍」何者是受事者（patient）? (A)伊 (B)我 (C)你 (D)恁

35. 若欲申請教育部本土語文「沉浸式教學」的補助，本土語言使用的比例上無愛有幾%？ (A) 50 (B) 60 (C) 80 (D) 90

36. 根據「高級中等以下學校及幼兒園閩南語師資培育及聘用辦法」，公立國民中學總班級數二十四班以上及公立高級中等學校總班級數二十二班以上者，愛佇佗一个學年度開始，聘用至少一个有本土語文閩南語文專長教師證書的合格教師？ (A)116 (B)117 (C)118 (D)119

37. 下面佗一个公部門的網站內面，會當看著照每一个學習階段分類整理，閣附使用說明的本土語文數位教材？ (A) 教育雲數位入口網 (B) 教育大市集 (C) CIRN本土教育資源網 (D) 教育部語文成果網

38. 有關台語文融入「自然科學」領域教學，請揀出毋是『知了』的台語講法的選項： (A) ki-siân (B) tshinn-tî-á (C) am-poo-tsê-á (D) kiat-le

39. 台灣各地的地名有時愛照文言音讀；有時愛照白話音。請問，下面的地名組合，佗一个毋是一个白話一个文讀？ (A) 大肚/大雅 (B) 東澳/東勢 (C) 岡山/鳳山 (D) 八斗子/八卦山

40. 請選出漢字的羅馬字攏無毋著的選項： (A)水獺tsuí-tuah (B)駱駝lo̍ k-tô (C)長頷鹿tn̂g-ām-lok (D)精牲tsin-sinn

41. 台灣各地對仝款的物件，定有無仝款的稱呼。請問下面佗一个選項所指稱的，和其他三个無仝？ (A)夜婆 (B)日婆 (C)家婆 (D)密婆

42. 請問下面四句，佗一句上符合台語的語法? (A)寫好功課才會當看電視 (B)做好代心情才會好 (C)吃飽飯才有氣力讀冊 (D)開了半點鐘才到學校

43. 請問，下面量詞「身」的用法，佗一个無適當? (A)一身尪仔 (B)一身人 (C)一身新衫 (D)一身娘仔

44. 請問對下面佗一个詞的發音，袂當聽出講話的人是偏漳腔抑是偏泉腔？ (A)金瓜 (B)魚頭 (C)舒被 (D)襪仔

45. 頭家，替我「」一份蕹菜。請問，空格內面填佗一个字上適當？(A)燙 (B)煠(C)糋(D)炕

46. 使用蔡培火的《十項管見》教學可以融入的議題不包括哪一項？ (A)人權教育 (B)性平教育 (C)國際教育 (D)防災教育

47. 請問下面佗一句話上符合語法？ (A) 阮攏講好矣 (B) 這是阮開時間去做的 (C) 我揹起冊揹仔 (D) 我已經做好功課矣

48. 「共你______五千箍敢好，後禮拜就還你」，請問，空格內面的詞，填佗一个上適合？ (A)窮 (B)扣 (C)壘 (D)掜

49. 「阿強伊這馬是四兩雞仔半斤頭，你愛小注意一下。」請問阿強上有可能是啥物身份？ (A)讀冊囡仔 (B)家己扞公司 (C)做人辛勞趁無錢 (D)菜市仔稅擔的

50. 「下晡開車無細膩，煞去______著壁角，佳哉車干焦小可仔落漆，其他無啥代誌」。請問空格內面填佗一个詞上適當？ (A)挵 (B)傱 (C)?? (D)櫼

申論題 (0)