113年 - 113 臺北市公立國民小學教師聯合甄選初試專門類科知能試題：閩南語科#119963

23.臺語「啥物」、「啥貨」、「啥事」、「啥人」等詞的「啥」，也經常講做「啥物物」、「啥物貨」、「啥物事」、「啥物人」等，按呢看起來，這个現象指出啥款道理？下列四項的佗一項是著的、合理的？ (A)「啥物（人）」等於是「啥（人）」。 (B)「啥物」佮「啥」的來源無仝。 (C)「啥物」是語意強調，「啥」是一般的用法。 (D)「啥物」在主語非單數時才選用，「啥」用於主語為單數時。

24.臺灣詩人王松有懷念亡妻之作，詞曰：「滿天風雨夜蕭蕭，愁坐空床嘆寂寥。一卷離騷三致意，幽魂渺渺莫能招。」的詩句，伊為著欲表達纏綿的懷念，伊特別選用比較較濟的 iau、au 韻母字，因為 iau、au 韻有舌位前後來回交替出現的「輾轉思念」之象徵，請問，以臺語的讀書音來講，這首詩用幾次(字次，擺)iau、au 韻母？請問下列四項，佗一項是答案？ (A)iau 韻字五次。 (B)iau 韻字五次、au 韻字一次。 (C)iau 韻字五次、au 韻字兩次。 (D)iau 韻字六次。

25.「小(X)是為著欲行較遠的路，小想是為著欲用較好的步。」這句話的(X)，從語義、修辭、聲韻、語法、語用來設想，上好的字是下列佗一項？ (A)停 (B)等 (C)歇 (D)坐

26.下跤佗一字，無法度佮「壁」押韻？ (A)謝 (B)拆 (C)囝 (D)接

27.華語的「追」，臺灣閩南語叫「逐」，下跤佗一个毋是臺灣閩南語次方言「逐」的音讀？ (A)kiok (B)tsip (C)jip (D)jiok

28.臺語的語音有文音佮白話，選項「」內底的字，佗一組的漢字攏讀白話音？ (A)個性袂「合」／無「合」用 (B)「假」使／「假」無意 (C)種「作」／「作」文 (D)五「分」仔車／誠「分」張

29.根據教育部「臺灣閩南語羅馬字拼音方案」，請揀出「調符」的位置有毋著的選項： (A)I it-ti̍t tsiânn uî-lân, m̄ tsai-iánn beh suán siánn-mih-lâng khì pí-sài tsiah hó. (B)Lí nā-sī ū siánn-mih sann-tn̂g-n̄ng-té, kiò guá beh án-tsuánn ua̍ h--lo̍ h-khì? (C)I sin-thé bô hó, bē-kham-tit tsò khang-khuè tsò kah sann-kenn-puànn-mê. (D)Tshun tsi̍t-kuá bah-iù-á, lí m̄-tō kā i khîng-khîng--leh, koh lâu leh tshòng siánn-mih!

30.請揀出「過 kuè/kè」有「表示曾經或已做過的行為動作、經驗」的選項： (A)I tsū sè-hàn tō kuè hōo in a-koo. (B)Kám-mōo ē kuè--lâng. (C)Tuì lâng bē-tit kuè. (D)Guá ū khì--kuè.

31.Kíng-tshut Lô-má-jī lóng bô m̄-tio̍ h ê suán-hāng: (A)讀國中彼當陣伊就帶痚呴。Tha̍ k kok-tiong hit-tàng-tsūn i tō tài he-ku. (B)阿媽生日是咱人當時？A-má senn-ji̍t sī lán-lâng tong-sî? (C)我的心肝窟仔當咧疼。Guá ê sim-kuann-khut-á tng-teh thiànn. (D)我看愛提寡定金較定當。Guá khuànn ài the̍ h kuá tiānn-kim khah tīng-tǹg.

32.揀出輕聲字詞上濟的選項： (A)囡仔豚當咧轉成，莫怪一頓食幾若碗飯。 (B)我來捀碗共你貯飯，你閣小等一下。 (C)做人愛知影伸勼，才袂得失人。 (D)阮姪仔咧欲娶某矣，厝裡加一个孫新婦，阮小弟足歡喜的。

33.揀出時間佇 kuânn--lâng 的節氣： (A)kok-ú (B)tāi-hân (C)pe̍ h-lōo (D)siáu-sú

34.下跤佗一个臺語俗語有 kā 人 tsik-pī 的意思？ (A)Pua̍ h tsi̍t tó, khioh-tio̍ h tsi̍t tsiah kim ke-bó. (B)Oo-á-hî tsìnn tsuí. (C)Bô hit-lō kha-tshng, siūnn-beh tsia̍ h hit-lō sià-io̍ h. (D)Tsâi-tsú-siū sann jī tsuân.

35.下列臺語漢字、兩兩一組，佗一項（組）兩字文讀音的主要元音（韻核）無相仝？ (A)高、草 (B)羊、玉 (C)世、第 (D)力、達

36.下列四項，每項有兩个語詞，請回答佗一項內的兩語詞的詞構（語詞中的字與字的組合關係）仝款？ (A)包容、失常 (B)地動、面紅 (C)變相、牽挽 (D)反正、高尚

37.「為著臺灣，我一定會為伊拍拚！」這句話，仝款的句法、構詞法佮用詞，只換一个詞構仝款的語詞，也會使講做「為著臺灣，我一定會為伊走傱！」不過，「走傱 tsáu-tsông」的詞義，並無完全和「拍拚」相仝，下列四項的佗一項是兩詞此有彼無的詞義成分？ (A)「出力」義 (B)「努力」義 (C)「盡心」義 (D)「忙亂」義

38.Kíng-tshut Lô-má-jī ū m̄-tio̍ h ê suán-hāng: (A)Ba̍ k-tsiu peh-khui tō khuànn-tio̍ h i--ah. (B)Bí sé bô tshin-khì ê khuán, pn̄g tsia̍ h tio̍ h sua-sua. (C)Bān-hāng tāi tio̍ h-ài tsiàu-pōo-lâi. (D)Bé tshái-kuàn kòng-ku--ê pí tio̍ h-tsióng--ê khah tsē.

39.所謂「發音時，雙脣自然微開，舌頭自然停放，軟顎下放，與舌面後接觸，胸腔的氣流經過喉頭聲帶的震動，然後來到口腔，由於通道緊閉，氣流轉從鼻腔外出而成音」，這段文字所描述的臺語音標，是下列國際音標的佗一項？ (A)-h (B)m (C)ŋ (D)n

40.關於臺灣閩南語的聲母，下跤佗一个講法是錯誤的？ (A)高雄腔有 j-，所以「熱」唸做 jua̍ h。 (B)馬公腔無 j-，所以「日頭」會唸做 li̍t-thâu。 (C)有的所在會共 j-唸做 g-，例「寫字」siá-gī。 (D)茄萣有「出歸時」現象，所以「紅菜」會唸做「翁婿」。

41.關於臺灣閩南語的韻母，下跤佗一个講法是正確的？ (A)鹿港腔「和尚」會唸做 huê-siūnn。 (B)高雄腔「生囝」會唸做 sinn-kiánn。 (C)臺南腔「流血」唸做 lâu-hueh。 (D)宜蘭腔「食飯」會唸做 tsia̍ h-pn̄g。

42.關於臺灣閩南語的聲調，下跤佗一个講法是正確的？ (A)臺灣閩南語的第一聲都是唸高平調。 (B)高雄腔的喉陽入調是中促調。 (C)鹿港有 8 个主聲調。 (D)臺南腔的陽平變調是低平調。

43.「豬血粿」的音讀，下跤佗一个是無合規律的？ (A)ti-hueh-kué (B)tu-huih-ké (C)ti-huih-kué (D)tir-huih-kér

44.關係臺語詞的詞綴，揀出詞尾「頭」的作用、功能參其他三个選項無仝款的選項： (A)路頭 (B)擔頭 (C)角頭 (D)埠頭

45.有關臺語的「共 kā」、「佮 kah/kap」的使用，揀出無妥當的選項： (A)Guá ê uī kah lí tuì-uānn hó--bô? (B)Āu--ji̍t lāu-su beh kā ta̍ k-ke tshik-giām. (C)A-má kiò guá kah tsia̍ h tshun ê tshài siu ji̍p-khì tshài-tû. (D)Bîn-á-tsài ài kā lín a-kong tsò-kī.

46.下跤臺語俗語的漢字佮羅馬字，揀出漢字 lóng 照教育部推薦 ê 用字，koh 羅馬字 lóng 用教育部 ê 拼音用字 ê 選項： (A)關門著閂，講話著看。Kuainn-mn̂g tio̍ h tshuànn, kóng-uē tio̍ h khuànn. (B)龜笑鱉無尾，鱉笑龜粗皮。Ku tshiò pì bô bué, pì tshiò ku tshoo phuê. (C)頭大面四方，肚大居財王。Thâu tuā bīn sù-hng, tóo tuā ki-tsâi ông. (D)戲館邊的豬母，袂噴簫嘛會拍拍。Hì-kuán pinn ê ti-bó, bē pûn siau mā ē phah-phik.

47.「Pe̍ h-ōe-jī ē hō͘ lí-jîn ū tì-hūi. Hū-jîn-lâng ê châi-tiāu bô khah-su ta-po͘-lâng, só͘͘-í ē bô ha̍ k-būn, in-ūi Khóngchú-jī oh-tha̍ k. Nā boeh tha̍ k Pe̍ h-ōe-jī, tùi la̍ k-hòe kàu cha̍ p-hòe sì-nî ê kú, chiū bô bē-hiáu-siá ê jī, ia̍ h bô bēhiáu-tha̍ k ê chheh； án-ni kiám m̄-sī chin tōa lō͘-ēng?」這段文章出 tī 1886 年《TÂI-OÂN HÚ-SIÂn KÀUHŌE-PÒ 臺灣府城教會報》第七張。針對這段文章，請揀出無毋著 ê 選項： (A)這段話指出現代 ê 女性 phīng 男性 koh-khah 有才調。 (B)孔子字 phīng 白話字 khah 快學。 (C)往過 ê 女性 khah 無學問，所以「Khóng-chú-jī」讀袂落來。 (D)作者建議 àn 6 歲 gín-á 開始教白話字，4 冬 liáu 後，in tiō 真 gâu 寫字 kah 讀冊。

48.語音學上所謂濁音，是具有聲帶振動的語音成分，下列佗一項的彼組臺語語音，無具有濁音的音標？（「x-,-x,-x-」的「-」表示前/後接有其他因素） (A)-a-,t-,h- (B)n-,ph-,s- (C)-i-,e-,u- (D)k-,-p,-h

49.臺語會話中的「(問)啥物人？」、「(回答)我阿桃啦！」四字，其中「我阿桃」三字的語法結構，下列佗一項最可信？ (A)這是一種句型，屬於「主(語)-賓(語)結構」。 (B)這是一種構詞類型，屬於代名(詞)-名(詞)並列結構。 (C)這是一種構詞類型，屬於名(詞)-名(詞)偏正結構，後一名詞(阿桃)修飾前一代名詞(我)，或前一代名詞(我)修飾後一名詞(阿桃)。 (D)這是一種語詞，屬於同位語詞，「我」與「阿桃」同位。

50.臺語的語音，「蚵」仔和「芋」仔的韻母主要元音（韻核）、舌位有懸低之無仝(o，oo)，抑「公、國、宮、菊」四字的拼音，不計聲調，拼為「kong、kok、kiong、kiok」，實際語音的韻核，為下列四項所描述的佗一个較好？ (A)「公、國、宮、菊」攏接近「芋」。 (B)「公、國」接近「芋」，「宮、菊」接近「蚵」。 (C)「公、國」接近「蚵」，「宮、菊」接近「芋」。 (D)「公、國、宮、菊」攏接近「蚵」。

113年 - 113 臺北市公立國民小學教師聯合甄選初試專門類科知能試題：閩南語科#119963

試卷資訊

選擇題 (35)

申論題 (0)