所屬科目：教甄◆閩南語科（台語）
51. 請問下面佗一句台語，用詞佮語法是完全正確的？(A) 透過這改的活動，增加我的經驗(B)拜託你共彼張桌子，攑過來予我(C) 這件代誌你若無做的話，就會害(D) 這間厝已經漚去矣，定著愛重翻。
52. ｢這足好食，_______，食了對身體敢袂敗害？｣請問_______ 內，填下面佗一个語詞上適當？ (A) 是講 (B)抑是 (C) 毋過 (D) 講來。
53. 「大蛇放無屎。」這句話是啥物意思？(A) 形容人漢草好毋過無啥路用(B)形容好額人毋甘開錢做善事(C) 形容好額人食傷好煞便秘(D) 形容人漢草好食啥物吸收啥物。
54. 刁工共話意藏佇咧話內底，予聽的人去家己去想，這款叫做激骨話。請問，下面佗一句激骨話所藏的語詞，是運用仝字、仝音、無仝意來展現的？ (A) 規欉好好 (B)紅龜抹油 (C) 老人食蟳 (D) 美國西裝。
55. 順向同化(progressive assimilation)後字「聲母」的變化，會受著頭前韻母的影響，請問下面佗一个選項的語詞，並無符合這款原則？ (A) 蚶仔 (B)盒仔 (C) 麥仔 (D) 囡仔。
56. 請問下面佗一个動作，身軀所用著所在上蓋濟？(A) 摁 (B)揍 (C) 搧 (D) 揈。
57. ｢食果子拜樹頭，食白米飯拜田頭。｣請問，以下佗一个選項佮白米飯牽連的時間上蓋遠？ (A) 大拖 (B)摔桶 (C) 風鼓 (D) 舂臼。
58. 請問下面佗一个字，是教育部常用詞咧選用字的時，希望讀者會當「望字生音義」的原則？ (A) 糞埽 (B)齷齪 (C) 湳地 (D) 翁某。
59. 台語白話字的歷史發展，佗一句無正確？ (A) 台語的白話字(Peh-oe-ji，POJ)是 19 世紀時基督 教長老教會佇福建廈門創設並推行的拼音文字 (B)用白話字寫的台語聖經號做紅皮聖經 (C)《三字經新纂白話註解》是用白話字來註解漢文蒙學《三字經》，佇台南府城聚珍堂出版 (D) 白話字是專門創來拼寫台語的系統，有特別的歷史意義。
60. 「a-lú-mih」是台語當中的定定聽會著的外來語，這項物件除了有這款講法，猶閣有下面的佗一種？ (A) 輕銀 (B)鐵鉼 (C) 亞鉛 (D) 白鐵。
61. 請問下面佗一句台語，有毋著的所在？(A) 你既然攏來矣，就來啉茶(B)人既然攏來矣，就來開會(C) 你既然都來矣，就來食飯(D) 人既然都來矣，就來開講。
62. 「工課做甲來就倚晝矣！」請問這句話佮下面佗一个選項上倚意？ (A) 來做工課的時間，倚近中晝 (B)中晝過了後，就無工課通做 (C) 工課欲做甲了，著愛到下晡 (D) 中晝的時，工課做甲欲煞工。
63. 台語文學的發展歷史上，因為台文社團和雜誌的傳播，予台語文通繼續發展。請問佗一本毋是 1970 年代以後的台文刊物？ (A)《台文通訊 Bong 報》 (B)《草根》 (C)《蕃薯詩刊》 (D)《菅芒花詩刊》。
64. 請問下面佗一个選項，漢字的解釋佮華語完全無仝？(A) 親情 (B)後頭 (C) 辛勞 (D) 鬍鬚。
65. ｢佇咧水池仔內底，有咱臺灣原生種的 ，也就是華語所講的『臺灣萍蓬草』。｣ 請問，佇________內底填佗下面佗一个選項上適合。 (A) 水蓮花 (B)水芋仔 (C) 浮水蓮 (D) 浮水芋。
66. 請問下面佗一句熟語，是用來形容『做事適時或趕上需要』？ (A) 趁流水 (B)趁著時 (C) 趁手面 (D) 趁食間。
67. 請問下面佗一个桃園的地名，在地人毋是照咧讀文讀音？ (A) 復興 (B)楊梅 (C) 新屋 (D) 大溪。
68. 「臺灣歌謠之父」鄧雨賢先生是出名的作曲家，伊本身是龍潭的客人。伊的音樂作品有真濟變做經典台語歌曲，予咱傳唱一代過一代。請問，下底佗一條台語歌，是伊的作品？ (A) 四月望雨 (B)農村曲 (C) 白牡丹 (D) 跳舞時代。
69. 請問，陳澄波佗一幅圖捌入選日本的第七回「帝國美術院美術展覽會」？ (A) 夏日街景 (B)廟口 (C) 淡水風景 (D) 嘉義街外。
70. 請問佗一條歌毋是「新台語歌運動」時期的歌曲？(A) 陳明章〈下午的一齣戲〉(B)林強〈向前行〉(C) 黑名單工作室〈抓狂歌〉(D) 陳一郎〈行船人的純情曲〉。
71. 請問，有關《教育部臺灣台語常用詞辭典》的漢字用字原則，下底佗一个描述正確？ (A) 以漢字做基礎，取「一字多音」的原則 (B)「本字」稽考袂出來的時，才會用「替代字」 (C)「替代字」閣有分做「訓讀字」佮「俗字」 (D)「俗字」有的是借字的音，有的是借字的意思。
72. ｢伊規日喙笑目笑，毋知咧歡喜啥？｣ 請問，語句內底的兩个「笑」，實際讀出來是啥物聲調懸度？ (A) 高降，低降 (B)低降，高降 (C) 高降，中平 (D) 中平，高降。
73. 請問下面佗一份報紙開始發行的時間上早？(A)《台灣日日新報》(B)《台灣府城教會報》(C)《芥菜子》(D)《台灣民報》。
74. 請問下面佗一篇小說的內容有描寫著性別認同的「同志」議題？ (A) 陳千武〈獵女犯〉 (B)李昂〈殺夫〉 (C) 陳明仁〈詩人的戀愛古〉 (D) 龍瑛宗〈植有木瓜樹的小鎮〉。
75. 「坦笑」、「見笑」、「笑談」、「笑面」、「笑粉」、「含笑」，以上這 6 个詞彙，請問，「笑」字的佗一種讀法 出現上濟改？ (A) siàu (B)tshiàu (C) tshiò (D) 3 種讀法出現平濟改。
76. 下面佗一个台語語音特色是毋著的？(A) 除了「b」、「j」、「g」、「ng」，並無其他的濁聲母(B)「-h」韻尾是一種弱化的入聲韻尾(C) 照教育部辭典的標音來看，台語是六元音系統(D) 台語的 o 韻，雖然統一寫做 o，毋過台灣各地有「o」、「er」、「oo」三種語音變體。
77. 台語佮華語有真濟「同形異義詞」，漢字寫法仝款，意思煞有精差甚至完全無仝。請問，下底佗一个選項毋是這款詞彙？ (A) 草地 (B)親人 (C)手指 (D) 昨日。
78. 桃園的新屋定名是源自客語，毋過新屋嘛是台語海口腔的分布範圍，請問下底佗一个詞的語音較有可能是新屋在地八十歲老大人講台語海口腔的語音？ (A) 菜園 Tshài-huînn (B)鄉鎮 Hiang-tìn (C) 古井 Kóo-tsénn (D) 初一 Tshue-it。
79. 傳統十五音的討論，佗一个正確？ (A) 十五音的系統干焦適用泉州腔的通行地區 (B)泉州人黃謙《彙音妙悟》的三推成字法是專門咧解釋十五音的歷史來源 (C) 無仝版本的十五音字頭可能無仝，傳來台灣了後才統一 (D) 字頭「語」代表 g-聲母和 ng-聲母。
80. 新娘車到新娘厝裡的時，舅仔會共車門開開迎接囝婿，這个時陣，媒人婆就會唸四句聯：「舅仔車門拍開開，金銀財寶______。 新郎囝婿行出來，生囝生孫______。」請問，空格仔內底的內容上有可能是啥物？ (A) 載規載／中狀元 (B)載規載／進秀才 (C) 載規堆／中狀元 (D) 載規堆／進秀才。
81. 請問，當代佗一位散文家原底是以華語寫作，後來有改用台語寫作，閣出版台語散文集？ (A) 林文月 (B)陳列 (C) 劉靜娟 (D) 周芬伶。
82. 下底的漳、泉腔音字配合，佗一个是正確的？(A)「關門」(泉)kuainn-mn̂g /(漳)kuinn-mn̂g(B)「雞公」(泉)ke-kang /(漳)kue-kang(C)「緊張」(泉)kín-tiunn /(漳)kín-tionn(D)「媒人」(泉)muê-lâng /(漳)hm̂-lâng。
83. 請判斷「阮阿姨明珠是早早就去桃園食頭路」這句話聲調的本調、變調形式。 (A) 變變變 變本 本變本 變本變本 變變本 (B)變變本 變本 變變本 變變變本 變變本 (C) 本變本 變本 變變變 變變變變 變變本 (D) 變變本 變本 變本弱 變變變本 變變本。
84. 男：志明仔當時仔欲娶？女：聽講著等 in 公仔對年了咧。男：舊年三日節的時，in 公仔毋是猶閣佇咧？女：啥人會知伊連粽都無食著，就轉去矣。根據對話，今年佗一个節氣，是志明仔上蓋有可能結婚的時間？(A) 穀雨 (B)清明 (C) 小滿 (D) 夏至。
85. 探討台灣 1970 年代第二改文學論戰的特色，佗一个題項是正確的？ (A) 這个時期的論戰重點是排除日本時代的語文影響 (B)本土文學的發展受著海外的台語文運動鼓舞，主要的國家是美國和法國 (C) 1970 年代猶無法度用全台語書寫，愛等教育部辭典頒佈正字了後，民眾才有揣台語字的所在 (D) 這个時期創立一種漢羅合用的書寫方式。
86. 桃園的行政區內底有大園區、蘆竹區、龜山區、桃園區、八德區、大溪區、復興區、龍潭區、平鎮區、中壢區、楊梅區、新屋區佮觀音區。請問，佇這十三个 區名內底，總共有幾个入聲字？ (A) 四个 (B)五个 (C) 六个 (D) 七个。
87. 下面佗一个選項，佮「人情留一線，日後好相看」上蓋倚意？ (A) 會曉偷食，袂曉拭喙 (B)好也一句，歹也一句 (C) 好田地，不如好子弟 (D) 相請無論，買賣算分。
88. 請問下面佗一句台語，是完全正確的？(A) 恁敢有做陣來去巡田水(B)咱來去挔衫佮澍蠓仔水(C) 阮來到著親切的桃仔園(D) 良仔騎著跤踏車去踅街。
89. 台灣文學史上有一个專有名詞號做「鹽分地帶」，有一陣作家予人共號做是鹽分地帶作家。請問以下佗一个所在無佇鹽分地帶的範圍內底？ (A) 將軍 (B)西港 (C) 東山 (D) 佳里。
90. 台語「包」(pau)佮中古音的對應關係，佗一个選項正確？ (A) 來自中古音並母字 (B)來自中古止攝字 (C) 對應中古清聲母上聲字，所以如今是第一調 (D)「包」屬於肴韻開口二等字。
91. 台語「àn-nāi」是對日語直接借用的外來詞，請問下面佗一个選項，毋是這个詞的意思？ (A) 案內 (B)招待 (C) 陪綴 (D) 接接
92. 台語有「連讀變調」的特色，是按怎佇教育部標台羅拼音的時，無照實際發音來標音，顛倒是標本調？請問下面佗一个原因上正確？ (A) 因為陽上的調值和陽去是仝款的 (B)合音及三連音的狀況下有第九聲 (C) 輕聲符頭前是重讀音節愛讀本調 (D) 因為斷句的方式毋是干焦一款爾。
93. 「跨語世代作家」一般是指佇 1920 年前後出世、捌受過完整日本教育，有法度用真順的日語創作的作家。請問佗一个作家毋是「跨語世代作家」？ (A) 吳濁流 (B)李魁賢 (C) 陳火泉 (D) 林亨泰。
94. 計算弓蕉的單位有(甲)弓(乙)莢(丙)枇，「一 ____弓蕉」若照弓蕉數量的濟少來排，請問，佗一个正確？ (A) 甲乙丙 (B)丙甲乙 (C) 丙乙甲 (D) 甲丙乙。
95. 「彼三个姊妹仔正正是『』，萬項代誌攏欲插甲到。」請問，佇『』填佇一个詞上蓋適當？ (A) 不三四 (B)不三時 (C) 三不等 (D) 三不服。
96. 根據台語弱讀現象，下底佗一个選項內的輕聲符使用無正確？ (A) 後日 āu--jı̍t (B)予你氣死 hōo lí khì--sí (C) 卯死矣 báu--sí ah (D) 紲落去 suà-lo̍ h--khì(E)一律給分
97. 請問下面佗一个選項，毋是竹仔做的器具？(A) 籗仔 (B)籃仔 (C) 篾仔 (D) ?仔。
98. 根據詩文，這格添啥物字較好？(A) 雨 (B)火 (C) 山 (D) 葉。
99. 根據詩文，這格愛添啥物字較好？(A) 開 (B)掰 (C) 揣 (D) 掠。
100. 來分析這首詩的主題，佗一个論述是正確的？(A) 坐火車親像轉去到過去，客語猶未消失去的時間(B)作者坐慢車，更加會當體會農民的生活(C) 孤單一个人的旅行，有詩來做伴(D) 現代人迷手機佮網路世界，無法度正常交流。
阿摩線上測驗
登入
阿摩線上測驗
登入