115年 - 115 臺北市立中正高級中學教師甄選試題：閩南語科#138683

1.下面佗一組配合的用法佮意思和其他三組無仝款？ (A)饅頭／薰頭 (B)暗頭／椅頭 (C)摠頭／穡頭 (D)藥頭／街頭

2.「伊就是憶著 兜的財產，才會欲共伊娶。」這句話的「憶」應該讀佗一个音？ (A)ip (B)it (C)ik (D)in

3.下底「 」內面漢字的聲母，佗一个是「零聲母」？ (A)「外」面 (B)教「育」 (C)「嚴」重 (D)意「義」

4.「遮爾 / 遐爾」是閩南語定咧用的程度副詞，請問這款做程度副詞的「遮 / 遐」這兩字的音標是佗一个？ (A)tsia / hia (B)tsiá / hiá (C)tsiah / hia (D)tsia̍ h / hia̍ h

5.「連大氣_______毋敢喘！」請問空格仔內應該愛添佗一字？ (A)攏 (B)就 (C)著 (D)都

6.下底佗一个選項的語法無正確？ (A)芳甲袂講得 (B)爽甲袂顧得 (C)走甲死無人 (D)貴甲死無人

7.下底佗一句話是照咱的話在來的語法？ (A)無疑悟伊煞綴人走 (B)中秋節有食月餅的習慣 (C)拄著熟似人著愛拍招呼 (D)今仔日的天氣感覺誠四序

8.〈家後〉這塊歌第一葩的歌詞是「有一日咱若老，找無人甲咱友孝，我會陪你坐惦椅寮，聽你講少年的時陣你有外 摮」，請問頂頭這段歌詞有幾字無照《教臺典》的規範用字？ (A)四 (B)五 (C)六 (D)七

9.根據《教臺典》，下底佗一字毋是替代字？ (A)你 lí (B)會 ē (C)囥 khǹg (D)的 ê

10.根據臺羅名姓的標注原則，前臺北市長「吳三連」應該標做下底佗一个？ (A)Sam-Liân Ngôo (B)Sam-liân Ngôo (C)Ngôo Sam-Liân (D)Ngôo Sam-liân

11.下底佗一句話是照咱的話在來的語法？ (A)我頭家真凍霜 (B)伊看著誠勇健 (C)伊一入來就共我罵 (D)我穿好衫才來去

12.「電話掛熄了後，我吩咐阮牽的，細漢的小觀顧一下，我去包一粒便當轉來厝裡，……」請問頭前這句話內底有 幾字會做得讀輕聲？ (A)四 (B)五 (C)六 (D)七

13.下底佗一个選項送氣的聲母上濟？ (A)艱苦頭，快活尾。 (B)臺灣錢，淹跤目。 (C)鋪面蟶，浸水蚵。 (D)九月颱，無人知。

14.臺語的方音差主要佇韻母，請問下底佗一字無方音差？ (A)「落雪矣」的「雪」 (B)「田中央」的「央」 (C)「貿易」的「貿」 (D)「好處」的「處」

15.下底佗一个毋是咱的話借自日本話的外來借詞？ (A)五仁 ngóo-jîn (B)注文 tsù-bûn (C)口座 kháu-tsō (D)看板 kha̋ng-páng

16.士林舊地號名在地人講做「Pat-tsiân-nâ」或者是「Pat-tsiânn-nâ」，請問是源自下底佗一个舊名？ (A)八芝蘭 (B)八芝林 (C)八芝蘭林 (D)八芝蓮林

17.臺北有一个謎猜「賣魚免攑秤」，請問是欲臆佗一个地號名？ (A)艋舺 (B)景美 (C)南港 (D)關渡

18.有關 Tâi-uân Hú-siânn Kàu-huē-pò 的描述，下底佗一个毋著？ (A)對日本時代開始佇臺灣流傳。 (B)內容用白話字書寫。 (C)伊的流傳佮長老教會佇臺灣宣教有關係。 (D)是臺灣頭一份報紙。

19.有關臺語聲調的描述，請問下底佗一个正確？ (A)普通腔第六聲就是第二聲。 (B)第八聲本調毋是干焦一種腔口。 (C)合音了後就無本調、變調的問題矣。 (D)普通腔第五聲一定是變第三聲。

20.下底佗一句話的「陽入聲字」上少？ (A)一蕊好花是金菊 (B)年冬若好米就俗 (C)當時佮哥你斷約 (D)斷約這擺無有局

1. 打擊

2. 奉獻

3. 衰弱

4. 苦衷

5. 更加

1. 伊一下做毋著代誌，就隨去予人「phì-siùnn」甲無一地好。

2. 彼个人誠「hîng-gi̍k」，連恁老爸都敢拍。

3. 伊專專使「àm-hīng」咧騙人的錢財。

4. 恁老爸逐日都穿甲足「pih-tsah」的。

5. 阿明誠「im-thim」，別人定定毋知伊咧想啥物。

第三部份：文章寫作
請你以「我上難忘的一件代誌」為題目，用「全臺羅」的方式寫一篇短文。(250-300 字之間)

第三部份：課程設計
請你以本土語文教師的專業，用「臺文」寫出一份訓練高中生參加縣市語文比賽「朗讀」的培訓計畫，訓練期間以三月日為限。